(ئەودەم میلیۆن لەسەر زار بوو دەیانکوت فڵانی میلیۆنێرە)
زەمانێ میلیۆن پووڵێکی زۆر بوو
کـەم کەسی وابوو میلیۆنی هەبوو
ڕۆژێکی بابم بێ پەلـە و هـەڵە
دەچێتە بونگای کا حەمەی کەڵـە
فەرمووی دەمـەوێ خانووی بفرۆشم
لە بیرت نەچێ، بکەی فەرامۆشم!
ڕۆژێ کاحەمە میتراژی کردن
شاگرد و میتری هێنان و بردن
دوای هەوڵی زۆر و پاش ئەملا و ئەولا
هاتە پێش کوتی کاکە، گیان وەڵڵا!
بە چۆرت و مۆرت و ماشێن و ئەسباب
زیاتر لە میلیۆن دێنێ بـە حیساب
بابیشم کوتی تۆ خوا ڕاوەستە
میلیۆنێ بێنێ هـەروەم مەبەستە
منیش لەمـەولا دڵخۆشم بـەوە
بوومە میلیۆنێر پیش ناخۆمەوە!
عه لی حه قیقی
