سبک زندگی
“سرووشت”
![](http://www.armanekherad.ir/wp-content/uploads/2021/07/download-6.jpg)
محمد رسول نیا
سرووشت دەسکردی خوایە
وێنەی جوانی تێدایە
کراسی بووکی بەهار
پڕ لە گوڵە و چرۆی دار
سەوز و سوور و ڕازاوە
جوانی خەرمانەی داوە
هاوینیش بە ڕووخۆشی
هەڵیدەڕێژێ کۆشی
گرکە و شووتی و شەمامە
بۆنیان خۆشە و بە تامە
پاییز دێ بە گژەی “با”
ڕادەخا فەڕشی گەڵا
پرچی زەردی دادێنێ
شەوچەلەمان بۆ دێنێ
بە گڤەگڤ ئەمجارە
پوورە زستان دووبارە
ڕووپۆشێ سپی دێنێ
دەشتی پێدەخەمڵێنێ